Sailors yachupa hadi nafasi ya pili baada ya kuwapa kichapo polisi, kmkm hoi kwa mafunzo, boys mzigoni leoo

Timu ya Black Sailors “Mabaharia Weusi” wamefanikiwa kupata alama tatu muhimu kwenye ligi kuu soka ya Zanzibar Kanda ya Unguja baada ya kuichapa Polisi bao 1-0 kwenye mchezo uliopigwa jioni ya jana kwenye uwanja wa Amaan. Bao pekee la Sailors limefungwa na Hassan Said “Kilahe” dakika ya 29 na kuwafanya sasa wakamate nafasi ya pili kwenye msimamo  baada ya kufikisha alama 12 sawa sawa na JKU ambao pia wana points 12 tofauti ya mabao ya kushinda na kufungwa huku KVZ wakiongoza ligi hiyo wakiwa na alama 14. Saa 8 za mchana Mafunzo wakaichapa KMKM bao 1-0 kwa bao lililofungwa na Ahmed Maulid dakika ya 28. Ligi hiyo itaendelea tena kesho kwa kupigwa michezo miwili kati ya Zimamoto na Jang’ombe Boys saa 8:00 za mchana na saa 10:00 za jioni Kilimani City watasukumana na Charawe ambayo kwasasa inanolewa na kocha Ali Bushir. Na Abubakar Khatib Kisandu, Zanzibar. 

The post Sailors yachupa hadi nafasi ya pili baada ya kuwapa kichapo polisi, kmkm hoi kwa mafunzo, boys mzigoni leoo appeared first on Zanzibar24.

Zanzibar 24