SINGIDA UNITED KUIVAA AZAM BILA HANS VAN DER PLUIJM

Kikosi cha Singida United, leo Septemba 30, 2017 kitamkosa kocha wake mkuu kwenye benchi Hans van de Pluijm, baada ya kuwa majeruhi kwa muda mrefu.

 

Timu  za  Singida United na Azam Fc leo zinatarajiwa kukutana katika uwanja wa Jamuhuri mjini Dodoma  ikiwa ni muendelezo wa mechi za Ligi Kuu ya soka Tanzania Bara.

Singida ambao ndiyo wenyeji wa mchezo huo watashuka dimbani  wakiwa na kumbukumbu nzuri ya ushindi wa bao 1-0 dhidi ya Kagera Sugar Jumapili iliyopita wakati Azam Fc inayoshika nafasi ya pili kwenye msimamo wenyewe walipata ushindi kama huo kwenye uwanja wao Azam Complex.