KIONGOZI WA MBIO ZA MWENGE WA UHURU KITAIFA AZINDUA MADARASA NANE SHULE YA MSINGI MALAMBAMAWILI

Kiongozi wa mbio za Mwenge  Kitaifa Ndg Amour Hamad Amour Amezindua madarasa nane Shule ya Msingi Malambamawili Kata ya Msigani, Wilaya ya Ubungo Jijini Dar es salaam.

Jengo hilo lenye madarasa nane (8) yaliyozinduliwa yamejengwa kwa fedha kutoka Serikali kuu kwa  gharama ya Shilingi Milioni mia moja na thelethini na sita (Tshs 136,000,000/=)., madarasa hayo Yakikamilika shule itakuwa na vyumba vya madarasa 24.

Dhumuni kubwa la mradi huo ni kupunguza msongamano mkubwa wa wanafunzi katika darasa moja kutoka uwiano wa darasa moja kwa wanafunzi 234 (1:234) uliokuwepo awali  na kuwa uwiano wa darasa moja kwa wanafunzi 156 (1:156). Vile vile utaratibu wa wanafunzi kusoma kwa kupishana asubuhi na wengine jioni (double session) utakuwa umepungua na kubaki kwa darasa la I & II tu.

Imetolewa Na;
Ofisi ya Mkuu wa Wilaya ya Ubungo