Serikali yaahidi kushughulikia madai ya waalimu

Na Georgr Binagi-GB Pazzo

Serikali imewataka wakurugenzi wote wa Halmashauri nchini kushughulikia madai ya waalimu ikiwemo madeni stahiki ili kuhakikisha yanalipwa kwa wakati.

Waziri wa Nchi, Ofisi ya Rais, Tawala za Mikoa na Serikali za Mitaa (OR-TAMISEMI, Mhe. Selemani Jafo alitoa kauli hiyo Novemba Mosi mwaka huu kwenye Maadhimidho ya Siku ya Mwalimu Duniani yaliyofanyika kitaifa katika uwanja wa CCM Kirumba Jijini Mwanza.

Waziri Jafo ambaye alimwakilisha Waziri Mkuu Mhe. Kassim Majaliwa aliyekuwa mgeni rasmi, alisema serikali inatambua madai ya waalimu na tayari imeanza kulipa madeni stahiki ambayo yamefanyiwa uhakiki na kwamba mengine yanaendelewa kuhakikiwa.

Awali akisoma risala ya waalimu, Katibu Mkuu Chama cha Waalimu Tanzania (CWT), Mwl. Deus Seif alisema madai ya waalimu ambayo yamefanyiwa uhakiki ni zaidi ya shilingi bilioni 60 hivyo ni vyema serikali ikalipa madeni hayo kwa wakati.

Aidha aliomba serikali kushughulikia changamoto za waalimu ikiwemo kupandishwa madaraja, uhaba wa nyumba za waalimu pamoja na kulipa posho ya kufundishia (Teaching Allowance), kwani waalimu wanatumia muda mwingi kazini.

Rais wa CWT, Mwl. Leah Ulaya alisema waalimu wanayo matumaini makubwa na serikali hivyo wanaamini madeni yao yatashughulikuwa kwa wakati jambo ambalo litaongezea ari ya ya kufanya kazi kwa bidii.

Naye Mkuu wa Mkoa Mwanza alitumia fursa hiyo kuwapongeza waalimu kwa kasi yao ya utendaji kazi na kuwaahidi ushirikiano zaidi huku akionya kwamba “atakayemgusa mwalimu sisi tunakufa naye”.

Waziri wa Nchi, Ofisi ya Rais, Tawala za Mikoa na Serikali za Mitaa (OR-TAMISEMI, Mhe. Selemani Jafo, akizungumza kwenye maadhimisho ya Siku ya Mwalimu Duniani 2018 kitaifa Jijini Mwanza.

Rais wa Chama cha Waalimu Tanzania, Mwl. Leah Ulaya akizungumza kwenye maadhimisho hayo.

Katibu Mkuu Chama cha Waalimu Tanzania (CWT), Mwl. Deus Seif akisoma risala kwa niaba ya waalimu kwenye maadhimisho hayo.

Taswira Maadhimisho ya Siku ya Mwalimu Duniani 2018 Jijini Mwanza

Rais wa CWT, Mwl. Leah Ulaya akimkabidhi Waziri Jafo akipokea picha ya Waziri Mkuu Kassim Majaliwa aliyopiga wakati akiwa kiongozi wa chama hicho.

Waziri Jafo akionesha picha hiyo.

Rais wa CWT, Mwl. Leah Ulaya akimkabidhi Waziri Jafo hundi ya shilingi milioni 10 kama mchango wa chama hicho kama rambirambi baada ya ajali ya kivuko cha MV. Nyerere.

Waziri Jafo akimkabidhi Kaimu Katibu Tawala Mkoa Mwanza hundi ya shilingi Milioni 10 aliyopokea kutoka CWT.

Waziri Jafo akisalimiana na Mkuu wa Mkoa Mwanza John Mongella.

Taswira ya picha mbalimbali za mgeni rasmi na viongozi mbalimbali

Tazama video hapa chini