TCU YAFANYA UHAKIKI NA UTAMBUZI WA VYETI 8328 VYA WAHITIMU WA VYUO VYA NJE

Katibu Mtendaji wa Tume ya Vyuo Vikuu Nchini (TCU), Prof. Charles

Kihampa akizungumza na Waandishi wa Habari (hawapo pichani), kuhusu mafanikio

ya Tume hiyo katika miaka minne ya Serikali ya Awamu ya Tano, mkutano huo

ulifanyika katika ukumbi wa mikutano wa Idara ya Habari-MAELEZO Jijini Dar es

Salaam Januari 28, 2020.

Katibu Mtendaji wa Tume ya Vyuo Vikuu Nchini (TCU), Prof. Charles

Kihampa akizungumza na Waandishi wa Habari (pichani), kuhusu mafanikio ya

Tume hiyo katika miaka minne ya Serikali ya Awamu ya Tano, mkutano huo

ulifanyika katika ukumbi wa mikutano wa Idara ya Habari-MAELEZO Jijini Dar es

Salaam Januari 28, 2020.

TUME ya Vyuo Vikuu Tanzania (TCU) katika kipindi cha mwezi Novemba 2015 hadi Novemba 2019 imefanya uhakiki na utambuzi wa uhalali wa vyeti 8328 vya wahitimu waliotunukiwa tuzo zao na vyuo vikuu vilivyo nje ya Tanzania.

Akizungumza katika mkutano na waandishi wa vyombo vya habari leo Jumanne (Januari 28, 2020)

Jijini Dar es Salaam, Katibu Mtendaji wa TCU, Prof. Charles Kihampa alisema kutokana na kuimarika kwa mifumo ya kieletroniki, TCU imefanikiwa kupunguza muda wa uhakiki na utambuziwa vyeti hivyo kutoka siku 14 za awali hadi siku tatu.

Prof. Kihampa alisema TCU imeimairisha mifumo yake ya kielektroniki ambayo imeongeza ufanisi

katika utendaji kazi kwa kuboresha huduma inazotoa kwa wateja na wadau wake kama ilivyoainishwa katika Mkataba wa Huduma kwa wateja.

‘’Katika kipindi hiki, zaidi ya maombi 1,077 ya hati ya kutokuwa na pingamizi kwa wanaotakakwenda kusoma elimu ya juu nje ya nchi, yamewasilishwa TCU na kushughulikiwa na mfumo huu ni muhimu kwani unawapa fursa wananchi kufahamu uhalali wa programu wanazokwenda kusoma,hivyo kuwaepusha kupoteza rasilimali fedha za kusoma katika vyuo visivyotambulika’’alisema Prof. Kihampa.

Aidha Prof. Kihampa alisema kupitia miongozo yake TCU imeweza kusajili Wakala tatu zinazodahili

wanafunzi wanaotaka kusoma elimu ya juu nje ya Tanzania, na kuzitaja wakala hizo ni pamoja na

Global Education Link Ltd, DARWIN Education Agency Ltd na Yahoma Educational Ltd, pamoja na

kupokea maombi ya wakala nyingine 7 zinazosubiri taratibu za usajili.

Prof. Kihampa alisema kwa mujibu muongozo huo, wakala wote hutakiwa kuwa na mikataba

maalum baina yao na vyuo vilivyopo nje pamoja na Cheti maalum (NOC), na hivyo kuwataka wakala

wote waliokidhi vigezo hivyo kutuma maombi yao TCU na kukamilisha usajili kwa wakati.

Katika hatua, nyingine Prof. Kihampa alisema katika kusimamia ubora wa elimu inayotolewa na vyuo vikuu nchini, kati ya kipindi cha mwezi Oktoba 2016 hadi Januari 2017, TCU ilifanya ukaguzi maalum wa kitaaluma kwa taasisi 64 za vyuo vikuu, vyuo vikuu vishiriki na vituo vya vyuo vikuu ili kuhakikisha elimu inayotolewa inakidhi viwango vya kitaifa, kikanda na kimataifa.

‘’Matokeo ya ukaguzi yalibainisha kasoro mbalimbali katika uendeshaji wa vyuo vikuu nchini, vyuo

45 vilikutwa na kasoro ndogondogo, vilipewa ushauri na viliweza kurekebisha katika kipindi kifupi

vikaendelea na utoaji wa elimu ya juu na vyuo 19 vilikutwa na kasoro kubwa, vilipewa ushauri na

muda wa mrekebisho’’ alisema Prof. Kihampa.

Kwa mujibu wa Prof. Kihampa alisema hadi sasa vyuo vikuu 9 kati ya 19 vilivyositishwa udahili

vimefanya marekebisho makubwa na vimeruhusiwa kudahili na kuendelea kutoa mafunzo kwa

baadhi ya programu za masomo, na kuvitaja vyuo hivyo kuwa ni pamoja na Chuo Kikuu cha Umoja

wa Afrika Tanzania (UAUT), Chuo Kikuu cha Teofila Kisanji (TEKU), Chuo Kikuu Kishiriki cha Askofu Mkuu Mihayo Tabora (AMUCTA), Chuo Kikuu Kishirishi cha Marian (MARUCo).

Anavitaja vyuo vingine ni Chuo Kikuu cha Kimataifa cha Kampala Nchini Tanzania (KIUT), Chuo Kikuu Kishiriki cha Kikristo cha Tiba Kilimanjaro (KCMUCo), Chuo Kikuu Kishiriki cha Kumbukumbu ya

Stephano- Moshi (SMMUCo) na Chuo Kikuu Kishiriki cha Afya na Sayansi Shirikishi cha Mt. Fransisko

(SFUCHAS).

Anaongeza kuwa mifumo ya ukaguzi na ufuatiliaji wa mara kwa mara imefanya vyuo kufanya

maboresho makubwa katika miundombinu ya kufundisha na kujifunzia ikiwa na pamoja na ujenzi wa

maabara za kisasa, mifumo ya mawasiliano ya kielektroniki, madarasa na kuongeza idadi ya viongozi

na wahadhiri wenye sifa.