SHAKA AZINDUA SEMINA YA UJASIRIAMALI UBUNGO

Kaimu Katibu Mkuu wa UVCCM Shaka Hamdu Shaka (MNEC) Leo ameshiriki na kuzindua semina elekezi ya ujasiamali kwa vijana wa wilaya ya Ubungo ili kushiriki kwa ukamilifu  maonesho saba saba hayo yanayoanza terehe  1 Julai 2017.

Semina hiyo imefanyika katika  ukumbi wa Texas Manzese  jijini Dar es Salaam

Malengo ya semina hiyo ni :

Kukusaidia  mjasiriamali na mfanyabiashara vijana kuweza kutanua soko lao la  kibiashara.

Kufungua Fursa mbalimbali za kiuchumi kwa vijana ambapo  wamepata fursa ya  kukutana  na makundi mbalimbali ya wajasiriamali wadogo na wakubwa. n.k

Kusaidia vijana namna ya kuunda vikundi na hatua zake ili vitambulike kisheria.

Katika semina hiyo wamealikwa  wataalamu mbalimbali ambao watatoa mafunzo ambayo yatawasaidia  vijana  kuziona *FURSA* na namna ya kuzitumia.

Uzinduzi huo umehudhuriwa na viongozi mbali mbali wa chama na jumuiya zake aliwemo  Mwenyekiti wa UVCCM wilaya ya kinondoni  Said Masanga.*ALIYOYASEMA SHAKA H. SHAKA KWENYE UFUNGUZI WA SEMINA YA UJASILIAMALI WILAYA YA UBUNGO LEO, 1/7/2017 KATIKA UKUMBI WA TEXAS MANZESE

* Tatizo la Ajira ni kubwa sana kwa vijana Ila pia lazima vijana tujue hakuna serikali duniani inayoweza kuajiri vijana wote katika nchi zao

* Ilani ya CCM ya mwaka 2015/2020 imeielekeza serikali kuweka mazingira mazuri kwa vijana ili wajikwamue

* Vijana wa CCM tuache kumuunga mkono Rais Magufuli kwa maneno na porojo nyiingi, hiyena, hiyana na ujanja vimepitwa na wakati

* Tumuunge mkono Rais Magufuli kwa kujiimarisha uchumi wetu na UVCCM imejikita kuwaandaa vijana ili kujikwakumua kiuchumi na kijamii

* Nawapongeza sana kamati ya utekelezaji ya wilaya ya UVCCM Ubungo kwa kuanza kuonyesha fursa za kiuchumi kwa vijana wa Ubungo

* 2017/2022 UVCCM itajikita katika uwekezaji kwa vijana kiuchumi na kijamii

* Chuo cha Ihemi kimefufuliwa tena, na intake ya kwanza itaenda tarehe 5/8/2017

* Ubungo mmecheza kama 'Pele' kunialika kwenye shughuli hii na kwa kwa nyie mmeanza kwa vitendo, nyie mtakuwa watu wa kwanza kuingia kwenye mafunzo ya Ihemi (intake ya kwanza)

* Muende (vijana wa Ubungo) Ihemi mkajifunze Itikadi ya CCM, ujasiliamali, ufundi mbalimbali nk na mtakaa huko wiki Tatu(3), ni lazima tumuunge mkono JPM kwa matendo

* Sasa ni wakati wa vijana wa CCM kuonyeshwa fursa na kuzitumia, *sitaki kuona wala kusikia Vijana wa CCM wanalalamika*

* Piga ya 2020 *Jimbo la Ubungo lazima lirudi CCM* na ili kufanikisha hilo lazima ni lazma *kuwekeza kwa vijana ili wawe vema kiuchumi na kiitikadi*

* Viongozi wa UVCCM Wilaya zote nchini fuatilieni utekelezaji wa ilani ya CCM 2015/2020, Hakikisheni asilimia 5 inayotengwa na kila halmashauri nchini zinawafikia vijana

* Vijana *wenye sifa kikanuni* jitokezeni kugombea nafasi mbalimbali ndani ya Jumuiya ya UVCCM,

* Ukighushi Umri, ukitoa rushwa au kutofuata kanuni na taratibu za uchaguzi za UVCCM na CCM, HUTAPENYA kwenye uchaguzi huu,,tuna muda mrefu Sana wa kuwachunguza kuanzia Mimba yako mpaka siku ulipoenda kuchukua fomu

*Imeandaliwa na Idara ya Uhamasishaji na Chipukizi UVCCM Makao Makuu*