SERIKALI KUPITIA UPYA MFUMO WA UTOAJI LESENI ZA UDEREVA

Na GetrudeVangaye,Rahma Hajia. Dodoma

Waziri wa mambo ya ndani ya  nchi Mhandisi Hamad Masauni  ameeleza  sababu  zilizo sababisha ajali iliyotokea  wilayani kongwa mkoani Dodoma ikiwemo uzembe wa madereva kutofata sheria za usalama barabarani  ambapo ilisababisha  vifo vingi  vya watu na majeruhi .

 Akizungumza na waandishi  wa habari leo jijini  Dodoma amesema  kuwa bado wanaendelea na uchunguzi  wa chanzo cha ajali hiyo ila uchunguzi wa awali unaonesha kuwa  chanzo cha ajali   hiyo ni  makosa ya kinidhamu yaani uzembe  unaosababishwa na madereva kwa kuacha kufuata sheria na alama za barabarani

Amesema kuwa serekali imeamua  kuchukua hatua ambazo zitaweza kupunguza  ajali za barabarani  moja kati ya hatua zilizo chukuliwa  ni kuangalia mfumo mzima wa utoaji leseni nchini ambapo utaangazia katika sekta kuu tatu ambazo ni chuo cha mafunzo ya udereva, dawati la leseni ambalo linasimamiwa  na jeshi la polisi  na mamlaka ya mapato Tanzania(TRA).

‘’Uhakiki wa madereva  utafanyika kwa kuwasajili madereva wote kwenye mfumo wa LATRA hii itahusisha wanaoendesha  magari  ya masafa marefu  pamoja na malori yanayosafirisha mizigo’’ .

‘’kuanza kwa  uparesheni  kali ambazo zitahusisha jeshi la polisi kufuatilia nyendo za madereva  usiku na mchana katika barabara zote kuu,’’amesema Masauni.

Nae Mkuu wa Jeshi la polisi nchini (IGP)Camillius Wambura  ametoa onyo kali kwa askari wa  usalama barabarani  kumuadhibu bila huruma kwa  yoyote atakayepokea rushwa  hali inayosababisha madereva kutofata sheria za usalama barabarani.