TUNAONGEZA TIJA UZALISHAJI WA KOROSHO ILI UFIKIE KILO 35 KWA MTI MMOJA-WAZIRI MKENDA

Waziri wa Kilimo Mhe Prof. Adolf Mkenda akisisitiza jambo leo tarehe 6 Juni 2021 wakati akizungumza kabla ya kumkaribisha mgeni rasmi Waziri Mkuu wa Jamhuri ya Muungano wa Tanzania Mhe Kassim Majaliwa kwenye Mkutano maalumu wa wadau wa Tasnia ya Korosho unaofanyika katika hoteli ya Sea View Resort Mkoani Lindi.

Waziri wa Viwanda na Biashara Mhe Geofrey Mwambe akisisitiza jambo leo tarehe 6 Juni 2021 wakati akizungumza kabla ya mgeni rasmi Waziri Mkuu wa Jamhuri ya Muungano wa Tanzania Mhe Kassim Majaliwa kwenye Mkutano maalumu wa wadau wa Tasnia ya Korosho unaofanyika katika hoteli ya Sea View Resort Mkoani Lindi.

Naibu Waziri wa Mifugo na Uvuvi Mhe Abdallah Ulega akisisitiza jambo leo tarehe 6 Juni 2021 wakati akizungumza kabla ya mgeni rasmi Waziri Mkuu wa Jamhuri ya Muungano wa Tanzania Mhe Kassim Majaliwa kwenye Mkutano maalumu wa wadau wa Tasnia ya Korosho unaofanyika katika hoteli ya Sea View Resort Mkoani Lindi.

Katibu Mkuu wa Wizara ya Kilimo Ndg Andrew Massawe akikiwatambulisha washiriki wa mkutano maalumu wa wadau wa Tasnia ya Korosho unaofanyika katika hoteli ya Sea View Resort Mkoani Lindi, Tarehe 6 Juni 2021.

Naibu Waziri wa Mifugo na Uvuvi Mhe Abdallah Ulega pamoja na Naibu Waziri wa Viwanda na Biashara Mhe Exaud Kigahe wakifatilia mkutano maalumu wa wadau wa Tasnia ya Korosho unaofanyika katika hoteli ya Sea View Resort Mkoani Lindi, Tarehe 6 Juni 2021.

Kaimu Mkurugenzi wa Bodi ya Korosho Tanzania akitoa wasilisho kuhusu mwenendo wa zao la Korosho nchini wakati akizungumza kwenye Mkutano maalumu wa wadau wa Tasnia ya Korosho unaofanyika katika hoteli ya Sea View Resort Mkoani Lindi.

Na Mathias Canal, Wizara ya Kilimo-Lindi

Kiwango cha uzalishaji na tija kwenye mazao mengi hapa nchini bado kipo chini. Kwa mfano, uzalishaji wa korosho kwa sasa ni wastani wa kilo 5 hadi 10 kwa mti ikilinganishwa na tija ya juu ya kilo 35 kwa mti inayoweza kufikiwa kulingana na viwango vya kitaalam.

Baadhi ya sababu zinazosababisha kuwepo kwa tija ndogo kwenye mazao ni pamoja na Matumizi madogo na yasiyokuwa sahihi ya pembejeo, Uwekezaji mdogo kwenye tafiti za kimaendeleo, Huduma duni za ugani, na Kuyumba kwa masoko ya mazao kwenye baadhi ya misimu.

Waziri wa Kilimo Mhe Prof Adolf Mkenda amebainisha hayo leo tarehe 6 Juni 2021 wakati akizungumza kabla ya kumkaribisha mgeni rasmi kwenye Mkutano maalumu wa wadau wa Tasnia ya Korosho unaofanyika katika hotel ya Sea View Resort Mkoani Lindi.

Amesema kuwa Wizara ya Kilimo kwa kushirikiana na wadau imeendelea na jitihada za kuongeza uzalishaji na tija katika mazao ya kimkakati ikiwemo korosho ili kuongeza kipato cha mkulima na taifa kwa ujumla.

Katika zao la korosho, Waziri Mkenda amesema kuwa jitihada hizo ni pamoja na elimu ya kilimo bora cha korosho kwa wakulima, uzalishaji wa miche bora ya korosho, matumizi ya pembejeo, kuimarisha shuguli za utafiti na usambazaji wa mabomba ya kupulizia viuatilifu, ambapo Vyama Vikuu vya Ushirika vinasambaza mabomba kwenye AMCOS zote 623 nchini.

“Hadi sasa mabomba 135 yameshasambazwa kwenye AMCOS. Mfano Mkoa wa Mtwara wenye wastani wa miche 23,918,206 ulizalishaji ukiongezeka kufikia tija ya kilo 35 kwa mti kwa mwaka mapato ya wakulima yataongezeka kutoka billion 279.8 za sasa hadi kufikia trilioni 1.971 kwa mwaka” Amekaririwa Prof Mkenda

Amesisitiza kuwa ili kuendelea na juhudi za kutatua changamoto za mazao nchini, Wizara ya Kilimo kwa kushirikiana na Bodi ya Korosho ilifanya kikao cha wadau wa korosho tarehe 23 Aprili, 2021 jijini Dodoma kujadili changamoto za zao hili hapa nchini.

Katika kikao hicho, wadau walipata fursa ya kupokea mawasilisho kutoka kwa wataalam yaliyoelezea hali ya tasnia ya korosho hapa nchini na namna ya kuongeza tija na uzalishaji.

Miongoni mwa mawasilisho hayo ni utafiti wa hali ya uzalishaji wa korosho uliofanywa na Kituo cha Utafiti wa Kilimo Naliendele ambao ulionesha mwenendo wa kushuka kwa uzalishaji wa korosho kutokana na matumizi madogo ya pembejeo na mabadiliko ya tabianchi.

AMesema kuwa ipo haja kama nchi kuwa na mpango wa uhakika wa ugharamiaji wa pembejeo za zao la korosho pamoja na kuendelea kufanya utafiti ili kuhimili ushindani katika masoko ya ndani na nje ya nchi.

MWISHO