WAZIRI KAIRUKI APONGEZA NA KUWATAKA WAWEKEAZAJI WA VIWANDA KUIGA MFANO WA KAMPUNI QWIHAYA

 Mkurugenzi mtendaji  wa kampuni ya uchakataji nguzo za  umeme  ya Qwihaya General Enterprises Company Ltd Leonard Maheda akimueleza jambo waziri Kairuki alipofanya ziara katika kiwanda hicho kilicho mkoani Iringa wilaya ya Mufindi 

Waziri wa Nchi Ofisi ya Waziri mkuu,Uwekezaji  Angellah  Kairuki akitete jambo na Mkurugenzi mtendaji  wa kampuni ya uchakataji nguzo za  umeme  ya Qwihaya General Enterprises Company Ltd Leonard Maheda pamoja na mbunge wa jimbo la Mafinga Mjini Cosato Chumi 

NA FREDY MGUNDA,MAFINGA.

Waziri wa Nchi Ofisi ya Waziri mkuu,Uwekezaji  Angellah  Kairuki awataka wawekezaji wazawa kuiga mfano wa kampuni ya uchakataji nguzo za  umeme  ya Qwihaya General Enterprises Company Ltd  kwa kuwekeza mtaji mkubwa wenye tija kwa watanzaji na serikali kwa ujumla kutoka na uwekezaji wake kujikita katika miji ambayo inakuwa kiuchumi.

Waziri Kairuki alieeleza  kufurahishwa na kasi ya uwekezaji inayofanywa na  kampuni hiyo kwa  kuwekeza  viwanda  vya nguzo  katika  mikoa  mbali mbali  ukiwemo mkoa wa Kigoma na  kutaka  wadau wengine  kuelekeza  nguvu  zao  katika  mkoa wa Kigoma badala ya   kuwekeza Dar es Salaam  ,Dodoma na mikoa mingine  ambayo ni rahisi  kufikika .

 Kairuki alisema kuwa amefurahishwa na kampuni hiyo kwa kuamua kuwekeza kiwanda katika mkoa wa Kigoma  upo  pembezoni  mwa  nchini  na  wawekezaji  wengi  wamekuwa wakikwepa  kuwekeza  viwanda  vyao katika  mkoa   huo  kutokana na umbali  ila kampuni  hiyo ya Qwihaya imefanikiwa kuwekeza kiwanda cha kuchakata nguzo za umeme kama ilivyo katika mkoa wa Iringa.

“Nimesikia kwenye risala yenu kuwa hivi karibuni mtafungua kiwanda katika mkoa wa Kigoma na Njombe jambo ambao zuri kwa kuwa mnaendeleza kukuza uchumi pamoja na kuongeza ajira kwa wananchi wengi hasa vijana ambao wamekuwa hawana ajira rasmi” alisema

 Alisema kuwa  mkoa  wa  Kigoma  upo  pembezoni na serikali imejipanga kuendelea  kuhamasisha  wawekezaji  kufika  kuwekeza  katika sekta mbalimbali  katika  mkoa  huo kwa kuwa unakuwa kwa kasi kiuchumi na unamazingira mazuri ya uwekezaji hivyo wadau wanakaribishwa kuwekeza Kigoma.

"Kitendo cha Qwihaya  kufika   kuwekeza  Kigoma  ni uzalendo wa hali ya  juu  na mmefungua mlango kwa   wawekezaji   wengine  kufika   kuwekeza katika  mkoa wa Kigoma wanahitaji kunufaika na   sekta ya uwekezaji  sio kwamba siwapongezi  kwa  kuwekeza kiwanda hapa Mafinga  mkoani  Iringa nawapongeza  pia  ila kwenda   Kigoma  mmefanya jambo zuri  zaidi  maana kupitia mkoa  wa Kigoma  mtakuwa na uwezo wa  kuuza bidhaa zenu katika  nchi  za jirani na Tanzania "

Kairuki alisema mpango  wa kampuni ya Qwihaya  wa  kufungua  kiwanda  cha kutengeneza dawa ya  kutibu  nguzo  Kibaha  ambacho kitakuwa ni  kiwanda cha kwaza  cha aina   hiyo  kwa Tanzania  kwani  alisema  kwa sasa  hakuna  kiwanda cha  dawa  ya kutibu nguzo nchini .

Akizungumzia   changamoto  za miundo mbinu  ya barabara ya Mgololo Mufindi  alisema kuwa  tayari TANROADS  mkoa wa  Iringa  wamekwisha  fanya  upembuzi yakinifu  juu ya barabara   hiyo na  wakati  wowote  itafanyiwa matengenezo ya  kiwango  cha lami .

Kwa  upande  wake  mkurugenzi mtendaji  wa kampuni ya Qwihaya Leonard Maheda  alisema  kuwa  kiwanda  hicho  kimeanzishwa mwaka  2007  kama   kiwanda  cha uchanaji mbao  na mwaka 2015  kilianza  kutengeneza  nguzo baada ya  kauli mbinu ya  Rais  Dkt  John Magufuli  juu ya  serikali ya  viwanda  na hata kuzuia  nguzo   kutoka nje  ya nchi .

Alisema  kuwa  kiwanda  hicho  kwa mwaka  kinauwezo wa  kuzalisha nguzo 800,000 na  kuwa  nchi  nzima  wanamiliki  viwanda  vitatu  vya  nguzo  na  wanakusudia  kuanzisha  kiwanda  cha dawa  za  nguzo ambacho  kitakuwa  kiwanda  pekee  cha dawa  za  nguzo Tanzania .

Awali  akisoma  taarifa ya  kiwanda   hicho  kwa waziri Kairuki  ,kaimu mkurugenzi  wa kampuni ya Qwihaya General Enterprises Ltd   Benedicto Mahenda alisema   kuwa gharama  za uwekezaji  wa  kiwanda   hicho  ni takribani kiasi cha  shilingi bilioni 15.

Alisema  kuwa  kwa  kipindi kirefu  kampuni  imekuwa  ikinunua malighafi  za  nguzo  kutoka  katika shamba la   miti la Sao Hill  iliyopo  chini ya TFS  na  wamekuwa  wakipata  ushirikiano mkubwa kutoka kwa   uongozi wa  shamba  hilo .

alisema kuwa soko  la  nguzo  wamekuwa  wakitegemea  zaidi soko la ndani  kupitia  mteja mkubwa  shirika la umeme Tanzania (TANESCO) na katika kipindi cha  hiki   cha utekelezaji wa  mradi wa  umeme   vijijii (REA) awamu ya tatu) soko  la nguzo  limekuwa ni kubwa  sana.

Naye mbunge wa jimbo la Mafinga Mjini Cosato Chumi alimpongeza muwekezaji wa kiwanda hicho kwa kuwa mzalendo kwa kuchangia shughuli za kimaendeleo katika sekta mbalimbali katika jimbo la Mafinga Mjini.

“Mkurugenzi mtendaji wa kampuni ya Qwihaya Leonard Maheda amekuwa msaada mkubwa kwenye maendeleo ya jimbo langu kwani ametusaidia kuweka umeme kwenye shule zote za msingi na kusaidia kukuza sekta ya elimu kuanzia chini hadi ngazi ya sekondari”alisema Chumi 

Chumi alisema kuwa kampuni hiyo imekuwa ikifanya kazi kwa weredi mkubwa kiasi kwamba hakuna malalamiko yoyote yale kutoka kwa wafanyakazi wa kampuni hiyo tufauti ilivyo kwenye kampuni nyingine ambazo zimewekaza katika halmashuri ya Mji wa Mafinga.