BITEKO AITAKA TAKUKURU KUCHUNGUZA MIL 3.9 ZA MFUKO WA JIMBO ZIMEFANYA KAZI GANI KATA YA RUNZEWE MAGHARIBI

Mbunge wa Jimbo la Bukombe Mkoani Geita ambaye pia ni Naibu Waziri wa Madini Mhe Doto Mashaka Biteko akisisitiza jambo wakati akizungumza na wananchi wa Kijijini cha Kazilamuyaye, Kata ya Runzewe Magharibi Leo 4 Machi 2018, akiwa katika ziara ya kikazi ya siku tatu Jimboni humo. Picha Zote Na Mathias Canal-Wazo Huru Blog

Baadhi ya wakazi wa Kijiji cha Kazilamuyaye, Kata ya Runzewe Magharibi Wilayani Bukombe wakimsikiliza kwa weledi Mbunge wa Jimbo la Bukombe Mkoani Geita ambaye pia ni Naibu Waziri wa Madini Mhe Doto Mashaka Biteko wakati wa ziara ya ukaguzi wa shughuli za maendeleo, Leo 4 Machi 2018.

Mbunge wa Jimbo la Bukombe Mkoani Geita ambaye pia ni Naibu Waziri wa Madini Mhe Doto Mashaka Biteko akisisitiza jambo wakati akizungumza na wananchi wa Kijijini cha Kazilamuyaye, Kata ya Runzewe Magharibi Leo 4 Machi 2018, akiwa katika ziara ya kikazi ya siku tatu Jimboni humo.

Baadhi ya wakazi wa Kijiji cha Kazilamuyaye, Kata ya Runzewe Magharibi Wilayani Bukombe wakimsikiliza kwa weledi Mbunge wa Jimbo la Bukombe Mkoani Geita ambaye pia ni Naibu Waziri wa Madini Mhe Doto Mashaka Biteko wakati wa ziara ya ukaguzi wa shughuli za maendeleo, Leo 4 Machi 2018.

Na Mathias Canal, Geita 

Mbunge wa Jimbo la Bukombe Mkoani Geita ambaye pia ni Naibu Waziri wa Madini Mhe Doto Mashaka Biteko ameitaka Taasisi ya kuzuia na kupambana na Rushwa (TAKUKURU) kuchunguza kiasi cha shilingi milioni 3.9 kilichotolewa na mfuko wa Jimbo katika Kata ya Runzewe Magharibi kimetumika katika kazi gani.

Mhe Biteko ametoa agizo hilo Leo 4 Machi 2018 Kijijini Kazilamuyaye wakati akihutubia wananchi waliohudhuria kwenye mkutano wa hadhara akiwa katika ziara ya ukaguzi wa shughuli za maendeleo Jimboni kwake sambamba na kukutana na wananchi ili kubaini matatizo yanayowakabili.

Mbunge Biteko ametoa kauli ya uchunguzi huo Mara baada ya wananchi kulalamikia kukosekana fedha za ujenzi wa shule ya msingi Kazilamuyaye huku wanafunzi wakikumbana na kadhia mbalimbali kutokana na kukosekana kwa shule ya msingi katika eneo hilo.

Alisema kuwa serikali kupitia mfuko wa Jimbo ilitoa fedha hizo kwa ajili ya kuchagiza ujenzi wa majengo ya shule hiyo sambamba na ujenzi wa choo jambo ambalo kwa muda mrefu halijatimizwa huku ikielezwa kuwa fedha hizo zimebwinywa na aliyekuwa msimamizi wa ujenzi huo.

"Ndugu zangu nataka niwakumbushe kuwa mnaweza kula fedha zote mtakazo lakini fedha za Rais Magufuli zikielekezwa mahala inapaswa kufanya kazi husika endapo ikibadilishiwa matumizi lazima wahusika wachukuliwe hatua" Alikaririwa Mhe Biteko wakati akizungumza na wananchi hao

Katika hatua nyingine ili kuendeleza ujenzi wa shule hiyo ili kurahisisha wanafunzi kupata elimu kwa ukaribu ili kukinzana na changamoto wanazokabiliana nazo kutokana na umbali wa shule ambapo Mbunge Biteko amechangia mabati 70 sambamba na mifuko 50 ya saruji.

Kuhusu Kero ya zahanati iliyoelezwa na wananchi hao wakati wa mkutano, Mhe Biteko amewaeleza wananchi kuwa serikali imetoa shilingi milioni 333.9 kwa ajili ya kuanza ujenzi wa zahanati ya kijiji hicho cha Kazilamuyale huku Mbunge huyo akichangia mifuko 50 ya saruji kwa ajili ya shughuli hiyo.

Katika hatua nyingine Mhe Biteko amewataka wananchi kushiriki kwa hali na Mali pindi utakapoanza ujenzi wa zahanati na shule ya msingi Kazilamuyaye badala ya kuacha jukumu hilo kwa serikali pekee.

Naibu Waziri wa Madini Mhe Doto Mashaka Biteko anaendelea na ziara ya siku tatu ya kijimbo ambapo pamoja na mambo mengine anasikiliza Kero za wananchi ikiwa ni pamoja na kukagua shughuli za maendeleo.

MWISHO.