KHERI JAMES KULIAMSHA DUDE KAMPENI ZA UBUNGE JIMBO LA LONGIDO

Mwenyekiti wa Umoja wa Vijana wa Chama Cha Mapinduzi (UVCCM) Taifa Ndg Kheri Denice James akizungumza jambo mara baada ya kuwasili ofisi ya CCM Mkoa wa Arusha leo 11 Januari 2018 kwa ajili ya ziara ya kikazi ya Siku mbili.

Mwenyekiti wa Umoja wa Vijana wa Chama Cha Mapinduzi (UVCCM) Taifa Ndg Kheri Denice James akisisitiza jambo wakati akizungumza na Mwenyekiti wa CCM Mkoa wa Arusha Ndg Loota Sanari mara baada ya kuwasili ofisi ya CCM Mkoa wa Arusha leo 11 Januari 2018 kwa ajili ya ziara ya kikazi ya Siku mbili.

Mazungumzo yakiendelea

Na Mathias Canal, Arusha

Mwenyekiti wa Umoja wa Vijana wa Chama Cha Mapinduzi (UVCCM) Taifa Ndg Kheri Denice James amewasili Mkoa Arusha Jana 10 Januari 2018 kwa ajili ya ziara ya kikazi ya Siku mbili.

Kheri ambaye pia ni Mjumbe wa Kamati kuu ya CCM anatarajiwa kuongoza kampeni za kumnadi Mgombea Ubunge kwa tiketi ya Chama Cha Mapinduzi Jimbo la Longido katika uchaguzi mdogo unaotarajiwa kufanyika kesho kutwa 13 Januari 2018.

Pamoja na Mkutano wa hadhara lakini pia atazungumza na wanachama wa CCM katika Mkutano wa ndani utakaofanyika katika Kijiji na Kata ya Mudarara, Wilayani Longido.

Chama Cha Mapinduzi CCM kinaingia kwenye uchaguzi huu huku kikiwa na kumbukumbu ya rekodi nzuri ya ushindi wa kishindo uliofanyika katika uchaguzi mdogo uliofanyika nchini kwa kuhusisha vyama vyote ambapo CCM ilishinda kwa jumla ya kata 42 kati ya 43.

Uchaguzi wa Ubunge Jimbo La Longido unafanyika kutokana na mahakama ya Rufaa nchini kutengua ushindi wa aliyekuwa mbunge wa Jimbo hilo Onesmo Ole Nangole kutokana na ukiukwaji wa demokrasia katika uchaguzi Mkuu mwaka 2015. 

MWISHO