DC JUMA HOMERA ATEKELEZA AHADI YAKE YA KUJENGA DARASA SHULE YA MSINGI MAALUMU TUNDURU MCHANGANYIKO

Mkuu wa wilaya ya Tunduru mkoani Ruvuma Mhe. Juma Zuberi Homera, amefanya ziara katika shule ya msingi maalumu ya walemavu Tunduru mchanganyiko iliyopo kata ya Mlingoti Mashariki Tarafa ya Mlingoti.

Dc Homera amefanya ziara hio kwa lengo la kukagua utekelezaji wa ahadi yake ya kujenga darasa jipya ili kupunguza msongamano wa wanafunzi shuleni hapo.

Mbali na kukagua shughuli za ujenzi wa darasa hilo mkuu wa wilaya ya Tunduru aliwashukuru wananchi, wadau waliomuunga mkono pamoja na walimu wa shule hio kwa jitahada za kuchangia ujenzi wa darasa hilo hata kwa mawazo mazuri.

"Baada ya kuahidi kuanza kujenga darasa katika shule hii ili kuondoa au kupunguza msongamano wa wananafunzi katika shule hii, nawashukuru wanananchi na walimu wa Tunduru mchanganyiko(extended) kwa umoja wetu naona Darasa linajengwa kwa kasi zaidi nawashukuru waliotuunga mkono kwenye simenti n.k. na hata kwa mawazo ni Matarajio yangu wiki ijayo tutafikia hatua nzuri na tutafanikiwa kupunguza watoto waliojazana 161 darasa moja. Hapa Kazi Tu Mungu ni mwema" Alisema Dc Homera