DKT TULIA AONGOZA SEMINA YA WABUNGE WANAWAKE WA NCHI WANACHAMA WA JUMUIYA YA MADOLA KANDA YA AFRIKA

Leo October 28, 2019 Naibu Spika wa Bunge la Jamhuri ya Muungano wa Tanzania Dkt. Tulia Ackson ameongoza Kamati ya Maazimio ya Semina ya Wajumbe wa Chama cha Wabunge Wanawake wa Mabunge ya Nchi Wanachama wa Jumuiya ya Madola Kanda ya Afrika uliofanyika Mkoani Arusha.

Katika Semina hiyo iliyofunguliwa na Makamu wa Rais Mhe. Samia Suluhu Hassan jana Oktoba 27, 2019 imepitisha maazimio muhimu kwa mustakabali wa jumuiya hiyo.

Waazimio hayo ni pamoja na Mabunge Wanachama wa Jumuiya ya Madola Kanda ya Afrika yatunge na kuhakikisha zinatelekezwa sheria zitakazohakikisha vyama vya siasa vinazingatia usawa katika nafasi za uongozi.

Kadhalika sheria zitakazozuia ama kuadhibu makosa yanayohusiana na ukatili  na unyanyasaji wa wanawake kipindi chote cha uchaguzi. 

Maazimio mengine ni kuwa Serikali za nchi husika kuhakikisha kuwa kuna mtaala wa elimu kuhusu jinsia kadhalika Serikali husika na wadau wengine kuhakikisha inatolewa elimu juu ya masuala ya ushiriki wa wanawake katika uchaguzi.

MWISHO