ALAWI HAIDAR FOUM AKABIDHIWA AFISI YA UVCCM MKOA WA KUSINI UNGUJA

Na Mwandishi wetu ZNZ

Leo 05/07/2017 aliekuwa Katibu UVCCM Mkoa wa Kusini Unguja Nd Khamis Rashid amemkabidhi rasmin Afisi ya Umoja wa Vijana wa CCM Mkoa wa kusini Unguja.

Makabidhiano hayo yaliyofanywa mbele ya wajumbe wa kamati ya Utekelezaji ya Mkoa yamefanywa baada ya uhamisho wa kawaida uliofanya na vikao husika.

Kabla ya uhamisho huo Nd Alawi Haidar Foum alikuwa Katibu Msaidizi Mkuu wa idara ya Secondary Vyuo na Vyuo vikuu Afisi Kuu UVCCM ZNZ.

Nae Katibu Khamis Rashid amehamishiwa Idara ya Usalama na Maadili Afisi Kuu UVCCM ZNZ.

Wakati wa Makabidhiano hayo katibu Khamis Rashid aliwashukuru wajumbe wa Kamati ya utekelezaji kwa ushirikiano waliokuwa wakimpatia muda wote wa uongozi wake.

Nae Katibu Alawi Haidar Foum baada ya Makabidhiano alisema alipata fursa ya kusema machache mbele ya wajumbe wa Kamati ya utekelezaji.

Namshukuru Mwenyezi Mungu kwa leo hii kukamilisha zoezi la Makabidhiano jambo ambalo ni la kawaida katika kazi zetu pale inapotokezea kuhamishiwa kituo kipya cha kazi Mimi binafsi nauujuwa Mkoa wa Kusini Unguja kuwa ni ngome ya CCM kwa hiyo naomba ushirikiano wa kutosha ili UVCCM NA CCM iendelee kuwa imara zaidi ndani ya mkoa wa Kusini akisema Haidar.

Pia katibu Alawi aliwaomba wajumbe wa Kamati tekelezaji kwa maeneo yao wawahimize vijana wajitokeze kwa wingi kujaza fomu za kugombe nafasi mbali mbali ndani ya Chama na Jumuiya ili tupate viongozi wapya na imara watakaokivusha Chama katika Uchaguzi Mkuu wa 2020.