WAZIRI MKUU AUNGANA NA WAKAZI WA BUKOBA KUAGA MIILI YA WALIOFARIKI KUFUATIA TETEMEKO LA ARDHI HAPO JANA

Maandalizi ya kumkaribisha waziri mkuu Kasim Majaliwa Uwanja wa Kaitaba Mkoani Kagera Mjini Bukoba

Wananchi mbalimbali waliojitokeza kuungana pamoja kuwaaga waliopoteza maisha kufutia tetemeko hilo wakiwa wameketi kitako wakimsubilia Waziri Mkuu Kassim Majaliwa kuwasili Uwanja wa Kaitaba Mjini Bukoba Leo

Wananchi wakisikiliza kwa makini kinachoendelea

Maandalizi yakiwa bado yanafanyika kabla ya kuanza kwa shughuli ya kuwaaga marehemu waliopoteza maisha kutokana na tetemeko la ardhi la hapo jana

Viongozi wakiwa wamebeba mwili wa mmoja kati ya waliopoteza maisha kufuatia tetemeko hilo tayari kwa kuagwa katika uwanja wa Kaitaba BUKOBA mjini

PICHA ZOTE NA MWANAWAMAKONDA BLOG

Waziri Mkuu wa Tanzania, Kassim Majaliwa ameungana na Wakazi wa bukoba leo Septemba 11,2016 kufuatia Tetemeko la ardhi  la ukubwa wa mtikisiko wa kipimo cha Ritcher 5.7 limetokea katika mikoa mitatu nchini na kupelekea kuuawa kwa zaidi ya 10 na wengine zaidi ya 100 kujeruhiwa huku majengo mengi yakibomoka.

Tetemeko hilo hasa likileta matatizo makubwa mkoani Kagera kwa Wakazi wa Manispaa ya Bukoba na Vitongoji vyake.

Katika taarifa ya Ikulu jana, Rais Magufuli amemtumia salamu za rambirambi Mkuu wa Mkoa wa Kagera, Meja Jenerali Salim Kijuu kutokana na vifo vya watu kadhaa vilivyotokea kutokana na tetemeko hilo la ardhi katika maeneo mbalimbali ya mkoa huo.

Katika salamu hizo, Rais Magufuli ameeleza kushitushwa na taarifa za tukio hilo lililosababisha idadi kubwa ya watu kupoteza maisha, wengine kujeruhiwa pamoja na uharibifu wa mali. Amesema anaungana na familia zote zilizopoteza ndugu, jamaa na marafiki na anawaombea marehemu wapumzishwe mahali pema peponi. Amina.

“Kupitia kwako Mkuu wa Mkoa wa Kagera, Meja Jenerali Mstaafu Salum Mustafa Kijuu na wakuu wa mikoa jirani yako iliyokumbwa na tukio hilo, natoa pole kwa familia, ndugu, jamaa na marafiki wote waliopoteza jamaa zao na nawaombea kwa Mwenyezi Mungu awape moyo wa subira na uvumilivu katika kipindi hiki kigumu,” alisema Rais Magufuli na kuwaombea wote walioumia katika tetemeko hilo wapone haraka.