DC MOYO:WATUMISHI WA WILAYA YA IRINGA ACHENI KUFANYA KAZI KWA MAZOEA

Mkuu wa wilaya Mohamed  Hassan Moyo akiongea na baadhi ya wenyeviti wa mitaa,watendaji wa vijiji,mitaa na kata wakati akihitimisha ziara ya kukagua miradi ya kimaendeleo inayotekelezwa katika wilaya ya Iringa

Mkuu wa wilaya Mohamed  Hassan Moyo akiongea na baadhi ya wenyeviti wa mitaa,watendaji wa vijiji,mitaa na kata wakati akihitimisha ziara ya kukagua miradi ya kimaendeleo inayotekelezwa katika wilaya ya Iringa

Baadhi ya wenyeviti wa mitaa,watendaji wa vijiji,mitaa na kata wakati akihitimisha ziara ya kukagua miradi ya kimaendeleo inayotekelezwa katika wilaya ya Iringa

Na Fredy Mgunda,Iringa.

MKUU wa wilaya ya Iringa amewataka watumishi na watendaji wote wa wilaya hiyo kuacha kufanya kazi kwa mazoea katika kuwatumikia wananchi ambao ndio wameiweka madarakani serikali ya awamu ya sita.

Akizungumza wakati alipomaliza ziara ya kukagua miradi ya kimaendeleo katika Halmashauri ya Manispaa ya Iringa,mkuu wa wilaya Mohamed  Hassan Moyo alisema kuwa katika ziara ya kukagua miradi amegundua kuwa  watumishi wengi wanafanya kazi kwa mazoea katika vitengo walivyopangiwa.

Alisema kuwa watumishi wengi bado hawazingatii muda wa kwenda kuwatumikia wananchi kwa kuwa wamekuwa wanafanya kazi kwa muda ambao wanajitakiwa wenyewe tofauti na muda wa majukumu wanayotakiwa kufanya kazi.

Moyo alisema katika miradi mingi aliyoitembelea amegungua ucheleweshwaji wa kukamilika kwa miradi kunatokana na watendaji wa serikali kutowasimamia vizuri wakandarasi ambao wanakuwa wamepewa tenda ya kufanya kazi katika miradi husika a kimaendeleo.

Alisema kuwa wafanyakazi walioajiriwa na serikali wanapaswa kufanya kazi kwa weledi unaotakiwa na kuacha mara moja kufanya kazi kwa mazoea kama ilivyokuwa awali.

“Hiki ni kitabu kingine hivyo umnatakiwa kufanya kazi kulingana na zama za kitabu husika ili kuendana na awamu ya serikali ya awamu hiyo kwa lengo la kutekeleza ilani ya chama cha mapinduzi ambao ndio imechangia kuwepo kwa serikali ya awamu ya sita” alisema Moyo

Moyo alisema watumishi wote wanatakiwa kufanya kazi kwa umakini mkubwa ili kuhakikisha wanawatumikia wananchi kama inavyotakiwa kulinga sheria za utumishi wa UMMA kwa lengo la kuleta maendeleo kwa wananchi.

Alisema kuwa kwenye mikutano yote watumishi nay eye mwenyewe wanatakiwa kufika kwa wakati na kuacha mara moja tabia ya kuwakalisha muda mrefu wananchi wakiwasuburi viongozi kufika na kuwapunguzia muda wa kufanya shughuli za kimaendeleo.

Kwa upende wao baadhi ya watendaji wa mitaa,vijiji na kata pamoja na maafisa tarafa wa wilaya ya Iringa wameahidi kuwa wataacha mara moja tabia ya kufanya kazi kwa mazoea  ili kuendana na kasi ya serikali ya awamu ya sita kwa kuwatumikia wananchi.

Naye Meya wa Manispaa ya Iringa Ibrahim Ngwada alisema kuwa atahakikisha anawasimamia watumishi wa Halmashauri hiyo ili waache tabia ya kufanya kazi kwa mazoea  kwa lengo la kuwaletea maendeleo wananchi.