Mpwapwa yatambulisha kamanda mpya wa Polisi

Na PC William Mpwapwa.       

Jeshi la Polisi Wilayani Mpwapwa, Mkoani Dodoma hii leo limefanya utambulisho wa kamanda mpya wa Polisi Wilayani humo  ambapo Kamishna Razaro Benedict Mambosasa, ndiye anachukua nafasi hiyo kuliongoza Jeshi la Polisi.

Kamishna huyo ambaye ametokea makao makuu ya polisi, amefurahishwa na askari wa wilaya ya Mpwapwa  kwa kuonyesha nyuso za furaha wakati wakiimba nyimbo ya maadili ya jeshi la polisi.

Akikabidhi nafasi hiyo Kamishna David Misime, amesema kwamba mfumo wa utaratibu na sheria za mwongozo wa jeshi la  polisi upo palepale hivyo hivyo jeshi hilo litarajie mabadiliko ya mfumo wa kiutawala, zaidi sana kuongeza uhusiano hasa  kwa kile anacho kihitaji katika utawala wake kwa jinsia zote.

Aidha ameeleza kuwa lengo kuu la jeshi la polisi Wilayani humo ni kutimiza malengo na madhumuni ya jeshi hilo,pia kutoogopa malalamiko kutoka kwa watu wengine, dhahiri ni kuwa na nidhamu na kuonyesha ushirikiano katika uongozi mpya ili kurahisisha utendaji wa kazi.

"Mimi ni kama mzazi na mlezi"ila endapo utakuwa katika nafasi yako ya uwajibikaji, pia sipendi askari wachache wafanye kazi kwa faida ya askari wengi hivyo ninawasihi askari  wote wawajibike"Alisema Kamishna Mambosasa

Nae mkuu wa polisi wilaya ya mpwapwa afande Francis Duma ameonyesha kuwa bega kwa bega  katika hotuba ya viongozi hao na kuongezea juu ya umoja wa askari katika utendaji kazi.